Ka Meghalaya Teacher Eligibility Test (MTET), 2026 da pynman ka ha Ka Syiem Jingsuk Higher Secondary School, Amlarem kamwa man ka Centre Code 31 ka Amlarem Centre.
Ya kani ka Exam da pynman deiwa pait wa yoo ka Ladakahi Shullai, Associate Centre In-charge deilang u Stephen Blah, Assistant Professor wa Centre In-charge. Da emlang ka Dr. Kavery Rabha, MCS, Assistant Commissioner, Amlarem Civil Sub-Division yow pyntikna wa lai bait waroh i jait heiwa kiwa sikai Ka Syiem Jingsuk Higher Secondary School da pynman ya ki kam ki Invigilator.
Chwa wow pynman ya ka Exam, neiliang ka Ladakahi Shullai da batai ko ya ki Invigilator ya ki kyndon nadooh i rukom thoh ya ki Roll Number wa kiwi de.
Ya kiwa thoh Exam da batai wa toh u pynemkaam ki du da ki Ballpoint rong yong ha ki OMR Answer Sheets. Da khang leh wow wanrah ya ki Mobile Phone, ki Smart Watch wa kiwi de ki tiar wa man kam ki Electronic Device chapoh ka Examination Hall.
Neibynta ka Paper I da em 335 ngut kiwa yaleh iwa mut 8 ngut ki wym em wan na ki 343 ngut kiwa dadep thap pyrtuid. Neibynta won ka Paper II, da em 389 ngut kiwa da thap pyrtuid wei kiwa yaleh da em ki 370 ngut iwa mut 19 ngut ym em wan ki.
Waroh dapoi 705 ngut kiwa yaleh neibynta kini ki ar tylli ki Paper wei kiwa khlem wan da em ki 27 ngut.
Kani ka MTET 2026 Exam ha Amlarem Centre da man ko kawa lai bait.
Discussion about this post