Ki bru ka State Disaster Response Force (SDRF), Meghalaya da ye ki wow chem yei metyap u bru na ka Wahniangleng hajan Phra Mer, Mylliem, heipor kamwa 7:10 ynne i step.
Yei thooh ya uwa wiar da sdang nadooh ka 22 tarik hadien wa da pyntip wa em uwi u bru wa wiar na chnong Phra Mer, Mylliem.
Ki bru ka SDRF deiwa ya krehlang wa ki pulit ka Mawngap deilang kiwa chong chnong ka Laitkroh wa ka Phra Mer, da pynman ki yei thooh ha ki bynta wa synrang kamjooh ka wah deiwa chong da ki lien jri Rubber Inflatable Boat (RIB) ha ki bynta ka wa lai cha Mawphlang Dam ha ka 23 wa 24 tarik tangwa ym em chem ya uwa wiar.
Ha ka 25 tarik kiwa chong chnong da yoo ki yei metyap ha i bynta wa khynnia bha ka wah wei da pyntip ki wut-wut cha ki SDRF tangwa da hap sangeh chwa yei pyrchang u sai yei metyap neidaw wa joor khlan ka um wei rap maa i rukom man i thaw.
Da pteiñ biang yeini ynne i step heiwa heipor kamwa 7:10 da ye wow sai yei metyap wei da e kti cha ki puit ka Mawngap yow leh ki yeiwa emkaam katkam ka aiñ.
Discussion about this post