15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Lai bait ka Exam SSLC, 51336 ngut kiwa yaleh

0 Comments
Advertisement ad1
Advertisement ad1

Ka Exam Secondary School Leaving Certificate (SSLC) 2020 wa pynman daka MBOSE, da sdang ko ynne ka sngi hapoh ka jylla heiwa ha uni u snem waroh nadooh ki Regular, Private wa kiwi kiwi kiwa yaleh da em ki 51336 ngut katwa ha u snem 2019 da em ki 51356 ngut.

Ki chynrang da em ki waroh 22,923 ngut katwa ki kynthai won da em ki 28,413 ngut.

Na ki District, ka East Khasi Hills toh kawa boon dooh kiwa yaleh ya kani ka Exam kiwa em 13399 ngut, pynbood saka West Garo Hills wa em 10,503 katwa kawa duna dooh toh ka South West Khasi Hills kawa em 1881 ngut.

Na ri-loom Jaiñtia won, na West Jaiñtia Hills da em 3980 ngut kawa man ka District wa le hei boon kiwa yaleh Exam katwa na East Jaiñtia Hills da em 1930 ngut kawa ar kawa duna dooh kiwa yaleh.

Ha Shillong ini i lai yaleh da man i hapyrdi i sonteri wa joor hadien wa ka nongbah Shillong da chah ktah ko ha i chongsuk chongsaiñ ha kini ki sngi wa da dep.

Ki thaw thoh ya ka Exam Secondary School Leaving Certificate (SSLC) da em ki 143 tylli ha ka jylla waroh kawi.

Ha nongbah Shillong kawa da chah ktah bha neidaw i pynkrehkaam ya ka Curfew ha ki kattu katni ki thaw da chem wa neiliang ki bor District leh da pynbiang ki ya ki Bus wow booh wow thooh ya ki khynnah wei ha kini ki Bus da synraan leh da ki pulit.

Da sakhi leh wa ki manbei manpa leh da lai synraan ki ya ki khon cha ki thaw wow thoh Exam, wei ki bor District da pynkhlan ko leh ya ki bor sonteri ha ki thaw thoh Exam wow lait na iwon iwon i chah pynthut.

Share this:
Previous

Rai ka sorkar wow pynyabi noh ya ki Bank paidbah

Next

Da u Dr. Kharlukhi jied ka MDA kam u kyrtong MP Rajya Sabha