15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Da u Dr. Kharlukhi jied ka MDA kam u kyrtong MP Rajya Sabha

0 Comments
Advertisement ad1
Advertisement ad1

Shillong: Uwa yahkhmat ka NPP u Prestone Tynsong da ong u wa waroh ki lok ka kynhun synrop Meghalaya Democratic Alliance (MDA) da mynjur ko ya u President ka NPP Meghalaya u Dr. WR Kharlukhi wow man kam u kyrtong ka MDA cha ka Election cha Rajya Sabha.

Ka Election cha Rajya Sabha daw man ko ha ka 26 tarik uni u bnai Wisu.

Hawa yaklam wa kiwa pathai khubor ynne ka sngi, u Prestone da ong  u wa ka yalang ka Committee kawa man da phyllu yumut bha ko wei da pdiang ko yei pyrtuid u Dr. WR Kharlukhi wow man kam u kyrtong MP cha Rajya Sabha.

Ka yalang ka MDA ha ka 27 tarik u bnai wa dadep da yaklam hajrong u kyrtong cha ka Rajya Sabha ka MDA heiwa da chna ya ka Committee wa da da khlieh da u Prestone Tynsong kam u Chairman wa man dkhot lang ki lok ka MDA.

Hadien wa pynbna yeini, neiliang u Prestone ym bien u wow khana ya kiwi tawon ki kyrtong kiwa kwah wow yakhun ya kani ka chuki lait na kiwa paan ticket kam u John F Kharshiïng, Dr. Jemino Mawthoh, Sounder S Cajee, Robert G Lyngoh wa kiwi kiwi.

Kamwa man katni hapoh ka MDA em 41 ngut ki MLA wei da tikna wow jop u lada ka yaleh ym kylla ko.

Hajrong i kylli wa neiyi i daw wym e ya ka UDP, u Prestone da ong u wa da jied ya u Dr. Kharlukhi neibhah ha u snem wa dadep da pynbait heiwa ka MP Lok Sabha daw e noh cha ka UDP.

Share this:
Previous

Lai bait ka Exam SSLC, 51336 ngut kiwa yaleh

Next

Da wai ya ka Rising Hills English School ha Mowtyrshiah