Lai bait ka yalang hapyrdi ka sorkar wa ki 13 tylli ki seiñbhalang hadien wa kular u CM wow pyndam chwa yei chna ya ka luti rel

Shillong: Ka sorkar jylla ynne ka sngi da kular ko ha khmat ki 13 seiñbhalang wow pynkrehkaam noh ya ka aiñ kiwa chongwai, kawa tip kam ka Meghalaya Residents Safety and Security Act ha ka 15 tarik Naisaphra, katwa ya ka aiñ Benami Transaction Act 1958 u pynkrehkaam hadien u Naisaphra.

U Montri Rangbah ka jylla, u Dr. Mukul Sangma hawa yaklam wa kiwa pathai khubor da khana u wa daw pyndep noh yei chna ya ki Rule yong ka aiñ kiwa chongwai wei daw pynbna paidbah ya ka ha ka 15 tarik uni u bnai wow wan.

Hei yatoh won wa i psiah i mih ki baar jylla u Dr. Mukul da ong u wa i kreh wow sontri yeini man i iwa lai bait chaaid chaaid.

Da khana u leh wa i daw wa slem u chna ya ki khyrdop toh wa yabor u yoh yei thaw i bhaw wei hadien wa lai kyrpaad ka sorkar da yoh yeini i thaw.

Related posts

Lai ood ki MDC ka VPP ha ka sorkar wym yoh Scheme sorkar pyrdi ha ki Constituency wa em ha sor

May 13, 2025

Lada ka sorkar sñiaw ko wa emkaam palat ko wow wanrah luti rel ye ko wow lai chakhmat: Ardent

May 12, 2025

Ha kani ka sngi da yaklam leh chaphang ka luti rel heiwa da pynmih ya ki daw wa boon khamtam na ki seiñbhalang heiwa u Mukul da pyntip u wa da pynsangeh chwa chipor ya ini i kaam.

Neiliang ki 13 seiñ hei yatoh wa ka Meghalaya Residents Safety and Security Act, ka sorkar da kular ko wow pynkrehkaam noh chwa ka 15 Naisaphra katwa ya ka aiñ Prohibition and Detection of Benami Transaction u pynkrehkaam hadien ka 15 tarik.

U Daniel Khyriem da pyntip u wa ki 13 seiñ daw yang ki yeini i kular ka sorkar wei neiliang yong ki daw bood dien ki yeini hadooh wa man i dawa yong ki iwa krehkaam.