Ka seiñ Hynñiewtrep Integrated Territorial Organisation (HITO)- Laskeiñ Block Circle, ynnin ka sngi hapoh i yahkhmat u Khiejoit Niang kam u President, da lai booddien ki yeiwa dadep wow ujor ha ka 6 tarik u May 2025 ha u Deputy Commissioner (Supply) ka West Jaiñtia Hills District hajrong i slem slem palat kiwa chong chnong wow yoh ya ki Ration Card.
Katkam wa pyntip cha ka seiñ da kiwa chong chnong wa waroh kiwa haap hapoh ka Laskein Block da ki phaw snem dadep pyndap Form ki yow yoh Ration Card, tangwa hadooh kattæ leh ym pu yoh ki.
Ka seiñ da ong ko wa em da ki phaw hajar tylli ki manyung kiwa dadep pyndap yow yoh Ration Card wei ym pu yoh wot hadooh kitu ki yung kiwa da em hapoh Census leh wei ya kitu won kiwa da pynyabi ya u Aadhaar wa ka Ration Card leh ym em krehkaam.
Kamtæ u President ka seiñ da kyrpaad u ya u Deputy Commissioner wow pait yeini i kaam deiwa chimkhia u pynyoh Ration Card chwa ya kitu kiwa dadep wow yaleh da slem.
Discussion about this post