Ha iwi i jia chah tyrrah kari iwa da jia ynne ka sngi ha u sarokbah ha chnong Umdihar, Ri-Bhoi District da mynsoo 5 ngut ki bru kiwa kynthup ya le ngut kiwa da mynsoo joor wa ar ngut kiwa da kjut doh hadien wa kawei ka kari Maruti Swift da lai tyrrah syndet ko ya kawi ka dukan dai baam kawa em harood sarok.
Katkam wa yoh khubor, ini da jia i heipor kamwa 12:30 pyrdi sngi heiwa katai ka kari Swift kawa em ya u Number AS-01GQ-2040, kawa dang wan na Shillong yow lai cha Nongpoh, kawa da yah pynhær smat da uwa yah wei lai bait ko wow tyrrah bait ya katai ka dukan kawa em harood sarokbah hadooh wa da haap da pra syndon ini i dukan.
Katai ka dukan toh ka yong ka Lapilang Syngkli wa u Daiahun Lyngdoh, wei kiwa mynsoo ha ini wa jia toh u Wanshanbor Lyngdoh, u Hambulstar Syngkli wa u Neverson Sylliang, kiwa na ka chnong Umdihar wei da pynkit smat ya ki cha Civil Hospital Nongpoh yow yoh yei sumaar.
Ki pulit ka Nongpoh dapoi ki ha kani ka thaw wei dang pynman ki yei takit wa bniah yow chem yei daw wa jia ini.
Discussion about this post