Lai booddien ka HYC yei slem pynkreh ya u sarok Laskein-Barato wa Raliang-Sahsniang

Ka seiñ Hynniewtrep Youth Council (HYC) Laskein Block Circle hapoh i yahkhmat u Vice President, u Ioowanlam Sayoo ryngkat wa u Secretary, u Shadapstar Hadem da yoh ki wow yachem wa u Executive Engineer ka PWD Road Shangpung Division hajrong i pynslem u pynkreh ya u sarok Laskein-Barato wa u sarok Raliang-Sahsniang.

Neiliang yong u Executive Engineer da pynche u wa u surok da sah sa du wow kreh ki Contractor, kamtæ neiliang ka seiñ da kyntu wei kyrpaad joor ko ya kini ki Contractor wow pynkreh smat ya kini ki sarok.

Ka seiñ da ong ko wa kamwa man kattæ, ki paidbah da wa lai na kini ki sarok da chem chitom bha ki neidaw wa joor sih khamtam kattu da jan poi lyiur.