Ka Jaiñtia National Council (JNC) Employment Commission ynne ka sngi da lai booddien ko hajrong i chah pyndooh kreh ki khynde ngut ki Home Guards ka Powergrid, Khliehriat heiwa u Chief Manager kani ka thaw da pyntip u wa da pynyinsur yei por kreh ki sa le bnai.
Ka seiñ da pynsñiaw ko yei sñiawngooh hajrong ini deiwa kyntu leh ya u Chief Manager wow thung kreh chwa ya ki tre chnong.
Da booh leh yei kyntu cha u District Commandant ka Home Guards wa hapoh kini ki le bnai wow thooh ki laad ki luti neibynta i bha i miat kini ki Home Guards wei da kyntu leh ya ka sorkar jylla wow chimkhia ko yeini ha kini ki por wa duna kreh ki khynroo khyllood ka jylla.
Ka seiñ da ong ko leh wa ha East Jaiñtia Hills wa em boon ki karkhana pynmih khyndaw bilat wa kiwi de ki jait karkhana, da toh wow e kreh ki ya ki Home Guards yow yoh myntoi ki khon khynroo khyllood ka District.
Discussion about this post