Ka chnong Jowai ynne da maad ko yei langoh wa chipor namo ka Blackout kam chibynta yong ka Civil Defence Mock Excercise wow pyndur yei chah dat Bomb da ki lieñsuiñ namo ka Air Raid ha ka thma.
Ya ini da leh katkam ka hukum ka sorkar pyrdi lyngba ka Ministry of Home Affairs (MHA) wow pynkhreh lada joor ka thma khamtam wa ku i kynaad hadien i jia ha Pahalgam.
Ha Jowai ka Air Raid Siren da kieh ko heipor 6:28 wei da neh ko 2 minit wei da pyndooh ya ka bordiñ, neitæ hadien chi minit da pynche bordiñ biang chirup wa ka Siren wow pynyoo wa da kut ka Air Raid.
Ha Jowai da pynkieh ya ka Siren na yung krehkaam u Deputy Commissioner wa em ha Iawmusiang heiwa ki dukan dukdoh da man kiwa da langoh ngiaw mar ya kut ka Siren wa nyngkong.
Ha kani ka Mock Exercise ym em khang yei lai i wan ki kari deiwa kyntu donhi ya ki paidbah wow psiah chapoh yow rieh.
Ya kani ka Exercise da leh ha ki 244 tylli ki District ka ri wei ha Meghalaya da leh ha sor Shillong, Tura wa Jowai.
Discussion about this post