Jowai: U montri rangbah ka jylla u Conrad K Sangma ynne ka sngi da lai pait u ya ka skur kawa da yarap poisa u deiwa e ya ka tulop u yow pynbha pynmiat yeiwa emkaam kani ka skur wa tip kam ka Shohphria Government LP School kawa em ha West Khasi Hills.
Kani ka skur toh kawa da seiñ ha u snem 1956 kawa em hajan ka chnong Nongstoin wei u Conrad da e yarap u T. 3.14 Lak kawa man chi bnai chiteiñ naka tulop u.
Ynnin u snem hadien wa da dep u pynchna pynmiat ya kani ka skur da wan pait u Conrad yaka wei ha uni u snem leh da wan biang u sa chisien yow booddien ya i lai luti kani ka skur.
Hawa yaklam wa ki laad pathai khubor u Conrad da ong u wa wan biang u cha kani ka skur yow pait sa iyi de wa emkaam u leh wei da chem wa dang em boon kiwa hap wow leh kamwa pyntip cha oo da ka School Managing Committee wa duna ki kamra, i emkaam wow kær pood ya kani ka skur, i duna kiwa sikai wei lada ye wow booh leh ya ki Nursery Class wei kini waroh da ong u Conrad daw chimkhai u ki.
Heijooh i por leh da pynchlur u ya kiwi ki MLA, ki sahep sorkar, ki bru samen wa dap wa biang wow jied ki ka wi ka skur wow e ki i yarap wei ini daw pynkylla ko ya ka mynried yong ki khynnah.
Also Read: Da ka tulop wa chi bnai chiteiñ e yarap pynmiat u Conrad ya ka skur hapoh Nongstoin Constituency
Discussion about this post