15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Advertisement ad1

Lai chakhmat ka thong yakhun pynduna pynemkaam drugs hapoh ka Nasha Mukt Bharat Campaign

Advertisement ad1

Jowai: Ka thong yong ka sorkar bei wow yakhun pynduna yei pynemkaam drugs haka ri lyngba ka Nasha Mukt Bharat Campaign da lai ko chakhmat deiwa pynman yaki yalang waphær waphær, wei ha West Jaiñtia Hills District leh neiliang ka yung krehkaam ka District Social Welfare kawa toh bynta wow pyntalung ya kani ka Scheme chirup i krehlang waki NGOs wa kynthup yaka Manbha Foundation Jowai, ka Society for Urban and Rural Empowerment, ka Industrial & institutional Ministry KJP Synod Mihngi Jowai, waka Sanker Jowai Unit, da lai ki chakhmat wow pynsñiawthooh paidbah nadooh wa sdang yaka Campaign haka District. 

Kamtæ ynne ka sngi leh hajrong kani hi ka jooh ka thong, da pynman yei pynsñiawthooh ha District Library, Jowai, wada chimbynta daki khynnah skur wa kiwi, haka yalang wa pynlai da u H.H. Mohrmen, Secretary ka Society for Urban & Rural Empowerment, Jowai.

Kiwa e yei klam ha kani ka sngi da batai ki hajrong kammon u bru poi u cha i dih drug hadooh wow chah kdoh chah khoom, iwa da ktah yaka jaitbru wa ka ri hi waroh kawi.

Da ong leh wa i kyrni drugs yong u bru ktah ko ym du yei samen donhi, ktah ko leh wot yaka yung ka sem waka imlang sahlang hi waroh kawi, hadooh i yoh i kot, i chait i khiah wa kiwi kiwi.

Heijooh i por kyntu haroh ki ya kiwa wan cha kani ka yalang wow man ki kam ka nongmuna ya kiwi, dei wow jied yaka mynried wa bha wei wym toh u chah pynbiej.  

Ki bru chemphang wada e yei klam ha kani ka sngi kynthup ki ya ka Dakapaya Bareh, Field Coordinator ka SURE, kawa da klam hajrong ka phang “Basic of drugs abuse and addiction”, ka Lucy Ksoo naka Scope Foundation Mukhla kawa da klam hajrong  ka phang “Ill effect of drugs abuse on an individual, family and society”, ka Dr. J.N. Shullai ka Director MCSWA Jowai, hajrong ka phang “Effect of drugs abuse on health (physical, mental symptom and treatment)”,  katwa u B.R. Marak Officer In-charge ka Jowai Police Station da klam u hajrong ka phang, “Narcotic Drug and Psychotropic Substance Act”.

Chwa ini da yoh leh yei klam yahkhmat naka J. Synnah District Social Welfare Officer Jowai. Katwa yaki kyntien e khublei won da yoh na u Anthony Syiemiong, Director Manbha Foundation Jowai.

Share this:
Previous

18 ngut kiwa dang yoh wa sa 17 ngut kiwa chait na u COVID-19 ha Meghalaya

Next

Lada yaki kaam pynroi wanrah daka Assam su wow e synchaar da ki: Ardent