15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Advertisement ad1

Lada yaki kaam pynroi wanrah daka Assam su wow e synchaar da ki: Ardent

Advertisement ad1

U Ardent M. Basaiawmoit uwa man leh u MLA/MDC warim na Nongkrem, da ong u wa lada ka sorkar Meghalaya ka sñiaw ko wa ym toh u pyrchah ya ka sorkar Assam wow wanrah ya ki kaam pynroi ha khappood, ileh wym ong syndon wow mih noh na Secretariat yow wan synchaar noh da ki Assamese, deiwa ieh ya ki chuki yow wan pynlai syndon na Assam lada ym ye wow pynlai ya ka jylla.

Kam wow kdaw wa u Prestone Tynsong uwa man u Symbood Montri Rangbah ka jylla, da ong u wa ym toh wow khang næ pyrchah ya ki kaam pynroi ha khappood wa ka Assam neibynta i myntoi ki paidbah neibhah wa toh ka rai wa da mynjur nadooh rap nachwa.

Hawa jubab yeiwa klam yong u Symbood Montri Rangbah, neiliang u Ardent da beiñ joor u deiwa ong wa i klam yong u Prestone toh i klam khlem i kitkhlieh wei pynchlur ya ka sorkar Assam wow nang toor ha i pyrtuid i kaam pynroi.

Da ong chooh chooh wa u Symbood Montri Rangbah toh u sñiawthooh che u wa ya ki kaam pynroi ha Meghalaya ym toh wow pynchlur wow leh da ka sorkar Assam neibhah lada wanrah ya ki kaam pynroi, pynyoo yei mantre yong ki, neibhah iwi na ki buit yong ka sorkar Assam wow baam ya ki thaw toh wow wanrah ya ki kaam pynroi.

U Ardent da ong u leh wa i yakhih da jan dap ko 50 snem wow lait na ka Assam, tangwa katni won dang pynyoo wa chaniah ha ka Assam wow wanrah ya ki kaam pynroi, iwa man wa yoo biej wei man kamwa kheiñ beiñ ya kiwa yahkhmat wa da pynyoh ya ka jylla.

Share this:
Previous

Lai chakhmat ka thong yakhun pynduna pynemkaam drugs hapoh ka Nasha Mukt Bharat Campaign

Next

Mynjur ka sorkar Meghalaya ya ki kyndon aiñ yow yoh dan naka Online Gaming