Lai chimbynta ki MLA ka Meghalaya ha ka e sikai wa pynman da ka Indian School of Business

Ka Indian School of Business (ISB) deiwa ya krehlang waka sorkar Meghalaya da pyndep ko sa chisien iwa man leh i sien wa le ka e sikai Public Policy Workshop neibynta ki MLA ka Meghalaya wei ya kani ka Workshop da pynman da ka Bharti Institute of Public Policy ha ISB deilang waka Meghalaya Institute of Governance.

Da chimbynta ha kani ka e sikai da u Lamphang ka yung dorbar ka jylla, u Thomas A Sangma, uwa yahkhmat ka liang pyrchah, u Ronnie V Lyngdoh, u Chief Whip ka sorkar, u Nujorki Sungoh, u Chief Whip ka liang pyrchah, u Saleng A Sangma deilang wa 35 ngut kiwi ki MLA, 20 ngut ki heh ka Meghalaya Legislative Assembly wa na Meghalaya Institute of Governance wei ya kani da pynman hapoh ka ISB Campus nadooh ka 16 hadooh ka 18 tarik uni u bnai deiwa sah ha kani ka thaw puræ wa em ha Hyderabad, Telangana.

Kani ka Workshop ka ISB toh yow yarap ya ki MLA u yoh buit ki u pynchlur yei seiñ khih wa ka khayi pateiñ hapoh ka jylla yow yarap ya ki khynroo ka Meghalaya wow yoh khih ki. Da sikai leh ya ki MLA kammon wow yarap ki u kyntu kynrong yei khih i khan ki bru wa im cha palatsor.

Ya kani ka Workshop da sdang da ki ktien pynsñiawthooh na u Aarushi Jain, Policy Director ka Bharti Institute of Public Policy, uwa da batai chaphang ka Meghalaya Legislative Research Fellowship wa kiwi de ki kaam wow yarap pynku ya ki Constituency.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Kiwa chimbynta da yoh ki leh wow ap yei klam na kiwa boon ki bru chemphang kam na u Amarjeet Sinha, IAS (Retd.) uwa jooh man kam uwa e buit u Prime Minister wa na u Venu Rajamony, u Ambassador warim ka India cha ka ri Netherlands. Neiliang won u Prof. Ashwini Chhatre, Executive Director, Bharti Institute of Public Policy da klam u hajrong ka phang “Forest Economy and Improving Livelihoods” iwa kammon wow yarap im-ja lyngba ki mar wa mih napoh khloo.

U Sampath Kumar, Principal Secretary & Development Commissioner ka sorkar Meghalaya leh da pynman u yei e sikai ya ki MLA heiwa da yooluti u wa ini i ya krehlang hapyrdi ka sorkar Meghalaya waka Indian School of Business daw pynyajan i hapyrdi ki thaw puræ, ki thaw bichaar wa kiwa chna aiñ.

Ki MLA ka Meghalaya da lai ki leh cha ka T-HUB, kawa man kam ka Public-Private Startup Ecosystem wa pynchlur yei seiñ khih wa da sdang da ka sorkar Telangana wei da lai li pait leh ya ka Telangana State Integrated Command and Control Centre.