Ka Khasi Students’ Union (KSU) Laban Circle ynne ka sngi da lai ko wow wah ya ki Banner ha tymbud ka Maxwelton Estate wei da sdang ko leh wow chna yung neibynta ki para Khasi kiwa emkaam wow sah ha katai ka thaw wei da wai tala leh ya kini ki yung kam ka dak pyrchah.
Ini i leh yong ka KSU toh hadien i e por wa 15 sngi yaka sorkar wow khyndang ya ki bru kiwa sah ha katai ka thaw da kut noh i.
Kamtæ ynne i step nadooh kamwa 7:00 waje, ki dkhot ka KSU da lai ki cha Maxwelton Estate wa em ha Laban yow pynsñiaw yei pyrchah yei wym leh ka sorkar iyi iyi ya kini ki bru kiwa da sah pyrchah yaka aiñ ha katai ka thaw.
Da yoo leh ha ki Banner wa thoh wa ka seiñ ym e laad ki wow mih sa kawi ka Them Metor, wei da pynkynmoo leh ya ki aiñ yada na ki mynder kam ka MRSSA wa ILP kiwa khlem yoh hadooh katni wei da thoh pyrchah yaka sorkar kawa e daw wow yada ya ki bru kiwa chong pyrchah aiñ.
Puræ leh: 15 sngi e por ka KSU yow beh ya ki baar jylla wa sah pyrchah aiñ ha Maxwelton Estate
Discussion about this post