I yaknieh khet hapyrdi u Acting Syiem wa u Syiem ka Hima Mylliem da pteiñ biang i ynne ka sngi Thohdieñ wot hadien wa u Acting Syiem da e kti u ynnin ka sngi ya ka yung krehkaam hadien wa da tuklar biang ka High Court.
Kani ka drama knieh khet da sdang nadooh i por step heiwa u Acting Syiem, u Alban Frederick Syiem da lai chong biang u ha kamra krehkaam u Syiem nadooh i por step, wei hawa u Syiem Ainam poi u ha kamra krehkaam da chem wa ya ka chuki da chong chwa da u Acting Syiem iwa da pynman ya u Syiem Ainam wow chong krehkaam na Dorbar Hall.
Neiliang u Ainam Manik Syiem hadien wym yoh u wow chimkti yei kaam nadooh ka 11 tarik uni u bnai hadien wa jop ya ka mukotduma pyrchah yei chah Suspend ha ka KHADC, da ujor u cha ka High Court da ka mukotduma wa chah pynkheiñ ka hukum heiwa ka yung bichaar da phah ko ya u Acting Syiem wow e kti yei kaam ynnin ka sngi.
Tangwa ynne won ym tip yei daw wa pynman ya u Acting Syiem wow lai chong biang ha ka khet ynne ka sngi. Da yoh khubor leh wa neiliang u Acting Syiem da phah soi u ya ki kyndon ha u Syiem Ainam uwa da kyntait wow leh yeini.
Discussion about this post