Ka KSU Wapung Unit hadien wa da yoh ko ya i ujor na kiwa chong chnong ka Wapung wei da chem hi leh da ka seiñ wym biang Network ha katai ka chnong kam ka Jio wa ka BSNL iwa da pyndik bha ya katai ka chnong.
Kamtæ haka 30 tarik uni u bnai, ka seiñ da lai ko cha ka yung krehkaam katai ka Company hapoh i yahkhmat u Vice President, u Nidalut Siangshai, General Secretary, u Shwari Ryngkhlem wa u Public Secretary, u Shibait Rymbai kiwa da yachem yaklam wa u Manager ka Jio ya ini i eh kiwa chong chnong.
Ka seiñ da khana ko wa ka Jio da thut bha i krehkaam ko ha katai ka chnong wei mar ya dooh bordiñ, ka Network leh wiar wot ko.
Katkam i ong u Manager wa i daw wym biang Network ka Jio ha katai ka chnong toh wa tlot i Battery wei da kular u wa hadein 3 lane 4 sngi u pynbiang ki ya ka Network ha katai ka chnong.
Ka BSNL leh da man ko sa kawi Company ka wym biang Network de ha katai ka chnong, kat kam i yaklam ka seiñ wa uwa pait ya ini i kaam, da kular u wow pynbiang Network ha katai ka chnong neini chakhmat.