Ka Pammanik Tourist Vehicle Association da yoh ko ya kiwa kitkaam yong ka seiñ wei hadien wa da dep wow yoh ya ka Registration, ynnin da yoh wow pynskem ya kini kiwa kitkaam ha wah:
President: U Sebastian Suchiang
Vice President: U Benedict Langstang
Secretary: U Nidawanlut Langstang
Assistant Secretary: Heingaitmon Talang
Treasurer: U Lamphang Pakma
Da jied leh ya ki 15 ngut kiwa yah kari wow man kam ki dkhot.
Ya kini kiwa kitkaam yong ka Pammanik Tourist vehicle Association da pynskem da u Paila Kordor Lyngkot, President yong ka All Jaintia Tourist & Commercial Vehicle Association uwa man leh u kongsan ha kani ka sngi.
U kongsan hei klam yong oo ha kani ka sngi da e u ya ki kyntien kyrkhu kyrdoh ya ka Association deiwa ong leh wa emkaam wow man kiwa yah kari kiwa kreh chitom doh wa mynsien yow ye pynku ya ka Association.
Ha chwa wow pynskem ya kiwa krehkaam yong ka Association da em ka yalang wa da emlang ki dkhot yong ka chnong deiwa bood ya ki kyndon yong ka sorkar.
Kiwa klam ha kani ka yalang toh u Sebastian Suchiang, President ka Pammanik Tourist Vehicle Association, u Protosius Talang, dkhot yong ka chnong Pammanik, u Chiborlang Suchiang Assistant Secretary, All Jaintia Tourist & Commercial Vehicle Association wa na u Marphilos Lamin, u dkhot yong ka All Jaintia Tourist & Commercial Vehicle Association.
Ya ki kyntien e khublei da yoh na u Nidawanlut Langstang, Secretary ka Pammanik Tourist Vehicle Association.