Lai Delhi ki heh ka NPP yow dawa kynthup lang ya ka ktien Garo

Kiwa mihkhmat paidbah ka Garo Hills wa kynthup nadooh ka MP, ka Agatha Sangma, ki MLA nadooh u Thomas A Sangma uwa man leh kam u Lamphang ka yung dorbar wa u Marcuise N Marak uwa man leh u Montri sorkar deilang wa kiwi de, da lai yachem ki wa u Secretary ka Ministry of Home Affairs ha New Delhi ynne hadien wym em mih ka ktien Garo ha ka thup yong kiwa dang yang yei yoh tipmit hapoh ka Eight Schedule.

U Montri Rangbah ka jylla, u Conrad Sangma da pyntip u wa najrong kini ki heh ka NPP da emlang leh kiwi de kiwa da chimkhia ya ini i kaam.

Kam wow pynkynmoo wa ini wa dep ka Home Ministry da pynbna ko wa da em 38 tylli ki jait ktien wa dang yang wow yoh yei tipmit heiwa ha kani ka thup da em ka ktien Khasi katwa ka ktien Garo won ym em ko.

Ini da pynman ya kiwa boon na Garo Hills wow sñiawsih heiwa ka sorkar jylla da dep chim ko ya ka rai namo ka Resolution yow dawa u tipmit noh ya ka ktien Khasi wa Garo hapoh ka Eight Schedule.

Related posts

Da 4 lak tam ki Vote jop ka Priyanka Gandhi ha ka Election wa nyngkong yong ka

November 23, 2024

Ym du ha Garo tangwa ka Meghalaya waroh da yoo yei kylla hapoh ka NPP, ong ka MLA wa thymme ka Gambegre

November 23, 2024

Kamwa man kattæ da em 22 tylli ki jait ktien wa da tipmit hapoh ka Eight Schedule kiwa kynthup ya ka Assamese, Bengali, Bodo, Dogri, Gujarati, Hindi, Kannada, Kashmiri, Konkani, Maithili, Malayalam, Manipuri, Marathi, Nepali, Oriya, Punjabi, Sanskrit, Santhali, Sindhi, Tamil, Telugu wa Urdu.

Nyngkong dooh da em 14 tylli ki jait ktien wei kat dang lai ki por da thap sa ka Sindhi ha u snem 1967 hadien won ka Konkani, Manipuri wa Nepali ha u snem 1992 katwa ka Bodo, Dogri, Maithili wa Santhali da tipmit ya ki ha u snem 2004.

Ki 38 tylli ki jait ktien kiwa dang yang yow yoh yei tipmit man ki kamni:

1) Angika

2) Banjara

3) Bazika

4) Bhojpuri

5) Bhoti

6) Bhotia

7) Bundelkhandi

8) Chhattisgarhi

9) Dhatki

10) English

11) Garhwali (Pahari),

12) Gondi,

13) Gujjar/Gujjari

14) Ho

15) Kachachhi

16) Kamtapuri

17) Karbi

18) Khasi

19) Kodava (Coorg)

20) Kok Barak

21) Kumaoni (Pahari)

22) Kurak

23) Kurmali

24) Lepcha

25) Limbu

26) Mizo (Lushai)

27) Magahi

28) Mundari

29) Nagpuri

30) Nicobarese

31) Pahari (Himachali)

32) Pali

33) Rajasthani

34) Sambalpuri/Kosali

35) Shaurseni (Prakrit)

36) Siraiki

37) Tenyidi

38) Tulu