Lai e dorkhat ka KSU-EJHDU wym em wa hikai Science la chi snem ha Rymbai Govt Sec School

Ka KSU East Jaiñtia Hills District Unit lyngba ka Education Cell haka 13 tarik uni u bnai da lai yachem ko wa u Director yong ka DSEL wa DERT, u Swapnil Tembe waka R.S Manner hajrong i wym em wa sikai ha Rymbai  Govt. Secondary School wei i wym pynkrehkaam ya artylli ki thaw puræ kiwa em ha Byndihati kitæ ka Residential School waka Block Teachers Training Institute.

Hapoh ka Rymbai Govt. Secondary School, ka seiñ da chem ko wym em wa hikai Science la kamwa chi snem wei kani ka yung skur man ko leh kawa khynnia wei wei kawa da sih wei da emkaam leh wow em ka Science Laboratory, ki Computer wa kiwa sikai wa pura neibhah boon kiwa sikai toh kiwa wan hikai chipor donhi namo kiwa Officiate.

Ka seiñ da dawa ko leh wow pynku kyrdan ya kani ka skur cha ka Higher Secondary neibhah wa em du kani ka skur Secondary ka sorkar ha East Jaiñtia Hills wei da tip wa da em i tyrwa wa daw chna thymme leh ya ka yung skur.

Hawa yatoh waka Residential School wa ka thaw e hikai ya kiwa sikai skur kiwa da ieh hi-eh kattu la 8 snem, da kyrpaad ya kini ki Director wow pait biang wei wow yaklam waka sorkar yow pynkrehkaam noh ki kini thaw.

Related posts

Yieñ ki kari syad dor ha JHADC tangwa yeiwa emkam dooh wei ym yoh poisa

July 24, 2025

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Da pyntip cha ka seiñ wa heiyatoh waka Teachers Training Institute ymtoh wa ieh hi-eh ka tangwa wa pu e kti ka chnat PWD.

Heiyatoh won waka Residential School da pyntip wa dang yaleh yow yoh poisa yow pynbha wei wow chna biang da ka poisa na ka sorkar pyrdi.

Ka seiñ da pynsñiaw ko leh heiyatoh waka National Institute of Open Schooling (NIOS) neibhah kani daw yarap ko ya kitu ki khynnah wa pep skur chiteiñ por.