theme-sticky-logo-alt
theme-logo-alt
Advertisement ad1

Lai e khublei u Hek ya u Sanbor, dei ngaitskem wow synchaar ka BJP ha u 2023

Advertisement ad1
Advertisement ad1

U MLA ka BJP na Pynthorumkhrah uwa man leh u montri warim ka sorkar MDA, u Alexander Laloo Hek ynne i janmiet da lai e khublei u ya u MLA ka BJP na South Shillong, u Sanbor Shullai uwa da thung salan kam u montri wa thymme ha ka sorkar wa yahkhmat da ka NPP.

U Alexander da dooh noh u ya ka chuki kam u montri deiwa ekti noh ya ka cha uwi tawon u MLA katkam ka ka rai ki heh ka Party na Delhi, hanla ym emlang u heipor wa u Sanbor chim smai u, tangwa hei janmiet won u Alexander da lai u cha yung sah u Sanbor wow ekhublei kyrpang ya oo.

Advertisement ad1

Neiliang u Alexander da ong u wa ym em iwon iwon i wit neidaw wa hap dooh noh u ya ka chuki montri deiwa ong wa da chakri u kam u montri ka sorkar MDA palat 3 snem kattu wei da toh i por wa u Sanbor u kynrong u ya ki kaam chaphrang ha ka sorkar wei wow pynjanai chooh chooh ya ka Party wow yoh u synchaar ha u 2023.

Hawa kylli, da ong u wa da hap ngait ya i rai ka Party wei ha i kaam chakri paidbah ym jooh kut i wei ya kiwon kiwon ki kaam wa dang sah daw krehlang u wa u Sanbor wei da kyntait u leh wa em i yaphær yumut ha i kreh deiwa ong wa ini waroh neibynta i bha ki paidbah.

U Alexander da ong u wa ya iwa da rai da ki heh ka Party toh iwa da sñiawthooh lang da waroh ar ngut ki MLA.

Share this:
Previous

Da jan pyndep yei chna ya ka Health Care Centre ka Balang Catholic ha Mihmyntdu

Next

Da chah wow wai biang ki dukan dai tim, ki yaw, ki Gym wa kiwi kiwi ha East Jaiñtia