Ka seiñ Jaintia Youth Federation (JYF) da lai e mynsien ko ya u Marshall Biam uwa man kam u President ka JCOMSWA uwa da chong chah thngan khlem booh por yow dawa wai yei kaam tih mooyong la kamwa soo sngi hadooh kattæ neibynta ka kaam yap kaam im wa i yoh i kot ka East Jaiñtia Hills wa kamjooh ya ka jylla waroh kawi nadooh wa chah khang u tih mooyong heiwa da dooh ya ka pliang ja nadooh u snem 2014.
Neiliang ka JYF da kyrpaad ko ya kiwa chong chnong yong ka Jaiñtia Hills waroh kawi wow wan e mynsien ki ya u Marshall Biam khnang wow nang yohbor chooh chooh u ha kani ka kaam dawa yow wai biang yei kaam tih mooyong wei khayi mooyong.
Kamjooh da kyrpaad ya ka sorkar MDA-II hapoh i yahkhmat u Conrad Sangma yow thooh ki laad ki luti kammon wow wai biang yei kaam tih mooyong kam ki por wa nachwa deiwa pynhiar na ka 100 Hectare cha ka 10 lane 5 Hectare khnang u yoh laad ki paidbah u ya khrehlang.
Da kyrpaad leh ya u ka sorkar wow phah bru yow lai yaklam wa u Marshall Biam uwa chong chah thngan khnang yow lait ko u ktah yei chait i khiah yong oo, pynkut ka kyrwoh na u B. Chyrmang, Vice President JYF CB.
Discussion about this post