Jowai : Ka seiñ 04:86 Brotherhood ka dhab kiwa ka-it ya ki kaam kari wa ki thuk thuk (Motorsports) ynnin ka 11 tarik da lai ki cha ka yung ri khonswet wa em ha Sahsniang wa tip kam ka Northeast India Mission Association (NEIMA) Orphanage Home yow pynwyrngai wei wow pynchongchit mynsien ya ki khynnah da kiwa boon jait ki yalehke.
Da lai kani ka seiñ cha kani ka thaw da 7 tylli ki kari wa 5 tylli ki thuk thuk deilang wa 30 ngut tam ki dkhot kani ka seiñ kiwa pynman ha ka tai ka sngi ya ka yakop dro, yakop knieh chuki (Musical Chair), yataan tylle wa kiwi kiwi.
Da yahke leh ya ki khynnah wa pait ka NEIMA cha ka madan bol. Ki khynnah wa ri ha kani ka thaw em ki 10 ngut ki chynrang wa 14 ngut ki kynthai wei iwa dang khian dooh toh iwa dang 4 snem i rta.
Ha kani ka madan bol ki dkhot ka 04:86 Brotherhood da pynkmen ki ya kini ki khynnah deiwa leh ya ki Bike Stunts.
Da saam leh cha ki khynnah ya ki sabon, pliang ja, ki mug, ki baam, ki borti, u khoo wa kiwi kiwi ki tiar. Da e leh cha ki ya ka waje wa da chna kyrpang ya ki. Neiliang ka seiñ da kular ki leh wow wan biang sa chisien heipor Christmas.
Discussion about this post