U Montri Rangbah ka Meghalaya, u Conrad K Sangma ynnin ka sngi wa ar ka tamasa kiñlieñ wa tip kam ka Notheast Regatta wa pynman ha Umiam, da lai u wow e mynsien ya ki khynroo wa da chimbynta deiwa chimbynta u leh wow kaweh lama ya ka yakhun kiñlieñ.
Kini ki khynroo da yoh laad ki leh wow yaklam wa u Montri Rangbah kiwa da kylli ya oo boon jait ha kiwa boon ki liang.
U Conrad da khana u ya ki wa daw chna kamwa 10,000 tylli ki Homestay neibynta kiwa wan uiñke suwari ha ki por wa daw wan, wei daw e sikai leh neibynta kammon u im jakpoh da kani ka kaam.
Da kular u leh wow pynbha ya ki thaw yalehke ha waroh ki District, ki Civil Sub-Division wa ki Block khnang wow wai laad ya ki khon khynroo ha ki kaam Sports. Ha ini i jooh i liang da pyntip u wa ka sorkar jylla ka yarap poisa ko ya kiwa yaleh Sports kiwa lehbha, kiwa da yoh rah Medal neibynta ka jylla, wei kiwa da rahnaam ha ka rynsan North East Olympic Games wei leh ha ka National Games- ka sorkar daw yarap poisa ko kam ka Scholarship ya kini ki khynroo wa em sap wei wow pynbha pynbiang yeiwa emkaam yong ki ha ki Sports waphær waphær wa yaleh ki.
Hawa jubab yeiwa kylli ki khynroo, u Montri Rangbah ka jylla da jubab u wa ya ka Meghalaya Games daw pynman noh man-u-snem ymtoh de kam ha i por wa da dep, kawa jooh pynman le sien ha ki arphaw snem.
Ya kani ka sngi kawa ar da pynchongchit ya waroh kiwa wan paitke deiwa em ka put ka tem da ki Twin Strings kiwa na Delhi.
