Shillong: Ka Confederation of Meghalaya Social Organisation (CoMSO) ha ka yalang yong ka da yatai leh hajrong i pynslem yong u Lat ka Meghalaya, u Tathagata Roy wow e muhor ya ka Meghalaya Residents Safety and Security Ordinance kawa da mynjur da ka kynhun montri yong ka sorkar jylla.
U Robertjune Kharjahrin da thalain u ya u Lat ka jylla yei pynslem wow tipmit ya katai ka aiñ kawa em ya ki kyndon yong ka ILP. Da ong u wa ini i leh yong u Lat man ko kam wym bna yei sñiaw wa i emkaaam yong ki khon u Ynñiawtrep, deiwa booh yei kylli leh, wa uyi utæ u Lat wow lehke ya ka sñiaw yong ki khon Ynñiawtrep.
U Kharjahrin da ong u wa ka seiñ ka dawa ko na u Lat yong ka jylla wow soi noh chisyndon ya ka Ordinance neibhah i por da biang ya u Lat wa da dep puræ yaka la chi bnai.
Da ong chooh choo, waroh ki nong India ki em ki ka hok wow lai katwa mon ha ka ri India, tangwa katkam ka Article 19(5), ka sorkar jylla ka em ko ki yong ka hi ki aiñ pait yei lai laitlooid neibhah em leh ki kyndon neibynta wow yada ya ki jaitbru ri-loom.
Discussion about this post