15 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Lai e yarap ka MPUF cha ka manyung wa chah pynyap ka khon

Advertisement ad1

Ka seiñ Meghalaya People United Front-Laskeiñ Block Circle ynne ka sngi hapoh i yahkhmat u President yong ka u Phrang Suiam wa u President MPUF-Shangpung Unit u T.R. Lakhmie deilang wa ki kattu katni ngut ki dkhot da hiar ki cha ka chnong Muthlong Rim yow pyntngen wei e yarap da u khoo, ki kymmor wa ka poisa cha ka manyung wa maad ya iwa sñiawsih kiwa dooh noh ya ka khon kynthai yong ki kawa da chah pynyap dusmon pyn ha u ma tre yong ka ini wa dep heipor wa lai sait that ko.

Ha kani ka sngi da em leh i duwai sñiawlem kawa da yoh na u Vice President u Daroiki Iakai.

Kam ka seiñ da beiñ joor ko ya kam kini ki bru kiwa em yei mynsien wym-man wei da dawa leh na ki bor yong ka aiñ wow pasi lane set patok chi rta. Da kyntu leh ya kiwa chong chnong wym toh u muhrieh wei wow ya krehlang wa ka seiñ khnang wow yoh u pyndooh jait ya ki kaam wym-man.

Ha kawi won ka khubur, ynne ka sngi, ka MPUF Sanshnong Unit da lai e yarap ko da ki kymmor cha ka chnong Mukaialong, WJH heiwa da saam ya ki kymmor cha ki 15 tylli ki manyung.

Da saam kymmor leh cha ki 15 tylli ki manyung ha chnong Pamra Paithlu.

Share this:
Previous

COVID-19: Da 94 lak tam kiwa da chait ya kiwa dang chah ktah ha India

Next

E khublei Christmas wa Snem Thymme u Aiborlang Shadap ya ki khon ka Barato Mukroh Constituency