15 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

COVID-19: Da 94 lak tam kiwa da chait ya kiwa dang chah ktah ha India

Advertisement ad1

La 11 sngi khlem sangeh, kiwa dang yoh COVID-19 ha India da em bait ki hapoh 30,000 ngut heiwa ha kini ki 24 kynta da em 24,712 ngut kiwa dang yoh, kiwa dang chait 29,791 ngut, kiwa dang yap 312 ngut iwa mut wa kiwa dang em ya uni u khñiang da hiar ki da 5,391 ngut.

Kiwa dang yap da neh ki hapoh 400 ngut la 12 sngi.

80% na kiwa dang chait da em ki ha ki 10 tylli ki jylla kiwa boon dooh ha Maharashtra 7,620 ngut, Kerala 4,808 ngut, West Bengal 2,153 ngut, Delhi 1,585 ngut, Chhattisgarh 1,566 ngut, Gujarat 1,309 ngut, Madhya Pradesh 1,223 ngut, Karnataka 1,206 ngut, Tamil Nadu 1,131 ngut wa ha Uttar Pradesh 1,102 ngut.

76% na kiwa dang yoh toh kiwa em ha ki 10 tylli ki jylla kiwa boon dooh ha Kerala 6,169 ngut, Maharashtra 3,913 ngut, West Bengal 1,628 ngut, Chhattisgarh 1,337 ngut, Tamil Nadu 1,066 ngut, Madhya Pradesh 1,007 ngut, Rajasthan 992 ngut, Karnataka 958 ngut, Gujarat 958 ngut wa ha Delhi 871 ngut.

Waroh kiwa da chait da em ki 95.75% kiwa ku naka 95.69% kiwa em 96,93,173 ngut; kiwa dang em ya uni u khñiang da em ki 2.80% kiwa hiar naka 2.86% kiwa em 2,83,849 ngut; wa 1.45% kiwa yap kiwa em 1,46,756 ngut, deilang waroh da poi 1,01,23,778 ngut kiwa da dep yoh ya uni u khñiang hapoh ka ri.

Kiwa chait da tam ki da 94,09,324 ngut ya kiwa dang em ya uni u khñiang iwa ku da 35,182 ngut nadooh ynnin ka sngi.

Share this:
Previous

Lehkmen Christmas ka SURE ha chnong Mulum

Next

Lai e yarap ka MPUF cha ka manyung wa chah pynyap ka khon