Ka seiñ kynthai ka NPP wa tip kam ka Women’s Front, Jowai Block kam chibynta i lehkmen ya ka sngi yoh laitlooid ka ri India, ynne ka sngi da lai saam baam ki cha kiwa thiah kjut ha MCH Hospital kawa em ha Panaliar, Jowai ha chirup i emlang kiwa yahkhmat chnong ka Panaliar wa kynthup ya u waheh chnong u Riquoma RQ Laloo wa kiwi.
Ini i lai saam baam ka seiñ kynthai man i leh chibynta wow lai pait ya kiwa thiah kjut kamjooh wow e i kyrkhu kyrdoh ya waroh yow smat yoh noh ki yei doh i pran wa chait wa khiah lyngba i sumaar i e dawai ki Doctor ki Nurse kani ka thaw sumaar.
Kiwa yahkhmat ka NPP Women’s Front Jowai Block wa kynthup ya ka President, ka Queenland Nongrum, ka Vice President, ka State Suting da e ki yei kyntien kyrkhu kyrdoh kamjooh i duwai wa kyrpang neibynta kini kiwa thiah kjut.
Neiliang u waheh chnong ka Panaliar hawa e i klam ha kani ka sngi yooluti u wa ini i kyrkhu kyrdoh wa da wan e kani ka seiñ kynthai ka NPP ya waroh kiwa thiah kjut u man ko kawa e bor e mynsien ya waroh kiwa thiah kjut nadooh ki manbei kamjooh ki khynnah hei wow chait u khlan noh ki wei u skhem leh i thij i pyrkhat yong ki.
Da pynkut u yei klam deiwa e khublei Independence Day ya waroh.
Discussion about this post