U Montri Rangbah ka jylla, u Conrad K Sangma ynne da lai hiar u cha ka chnong Dangar waka chnong Kenmynsaw kiwa em hapoh ka Mawsynram Block, East Khasi Hills wei da lai u leh cha ki yung wa em kiwa yap nei oor khyndaw ini wa dep. Wei da e u leh ya ka poisa yarap kawa T. 4 lak uwi wa yap cha kiwa emyatoh ki.
Kam wow pynkynmoo wa ha i oor khyndaw iwa da jia ha Dangar da em 5 ngut kiwa dooh yei mynsien wa kynthup ya soo ngut ki khynnah katwa ha Kenmynsaw da dooh yei mynsien kiwa chi kurim hadien wa oor khyndaw wei da ieh ki chadien ya 3 ngut ki khon.
U Conrad da kular u leh wow e yarap cha ki thaw wa chah ktah wei wow pynbiang leh yei bordiñ waka Mobile Network kiwa da chah ktah ha kini ki thaw.
Ha kani ka sngi da emlang leh u MLA ka Mawsynram, u Himalaya Shangpliang, u Alwin Sawkmie, MDC, ka DC ka East Khasi Hills wa kiwi de.
