U Montri ka sorkar pyrdi wa pait ya ka chnat Health & Family Welfare, u Dr. Mansukh L. Mandaviya ynnin da lai hiar u cha Ri-Bhoi District kawa da tipmit kam ka Aspirational District namo ka District wa emkaam wow pynku yow lait nei sahdien yow ryngkat noh ko wa kiwi.
Deilang wa u Montri da wan wow synraan leh da ka Montri ka chnat Health and Family Welfare ka Meghalaya, ka Dr. Ampareen Lyngdoh, u Deputy Commissioner ka Ri-Bhoi, u Arpit Upadhayaya, u Superintendent of Police, u Giri Prasad wa kiwi de.
U Montri da sdang u deiwa lai chwa nyngkong cha ka Health and Wellness Centre wa em ha Umsaw Nongkharai, heiwa da yaklam u wa kiwa kreh ASHA, kiwa em ya ki Smart Card yow tip kammon yoh myntoi ki lyngba ki Smart Card manda kjut chitom kawa pynkrehkaam lang da ka sorkar jylla waka sorkar pyrdi.
Da yaklam u leh wa kiwa kreh ASHA, kiwa kreh Anganwadi, ki NIKSHAY Mitra wa kiwa yoh myntoi na ka PMJAY.
Hadien da pynman ya ka yalang ha Conference Hall u Deputy Commissioner ha Nongpoh heiwa u Montri da ong u wa em 500 tylli ki Block kiwa dang sahdien wei da kheiñ ya ki kam ki Aspirational District kiwa emkaam i kyntu kynrong yow man ki kam kiwi ki District kiwa da ku.
Ka Dr. Ampareen Lyngdoh da ong ko wa ya ka Ri-Bhoi daw pynkylla ka na ka Aspirational District cha ka Inspirational District yow pyndooh jait yei dooh i duk. Deiwa ban joor yei emkaam wow pynyoh yei sumaar ya kiwa chitom TB wa Cancer yow pynyoo wa da biang i sumaar wa yoh ki iwa man kam i dak wa pynyoo yei roi i paar.
Neiliang u Mission Director, National Health Mission, Meghalaya, u Ramkumar S da khana u cha u Montri ya ki jait sumaar wa ye u yoh ha Umsaw Nongkharai Sub-Centre, wei da khana u leh ya ki jait stat (Digital) wa da pynemkaam yow pynsuk yei thap pyrtuid ya kiwa wan phah sumaar wei da pynemkaam leh da ki Solar Power ha ki Health Centre.
Discussion about this post