Kam chibynta wow pynchlur yei seiñkreh ha Meghalaya, u Chief Minister ka jylla, u Conrad K. Sangma ynne da sdang u ya ka ‘Achiever of the Month’ kawa man ka thong wow tipmut ya kiwa seiñ kreh kamjooh kiwi ki bynta wow yoh ki ya ka rynsaan u pynyoo ya ka luti yong ki heiwa kammon ka sorkar leh ye ko wow yarap ya ki.
U Conrad da ong u wa ini toh wow wailaad ya kiwa seiñ kreh lyngba ki Policy, ki thaw wa i kyrchaan wa ye u e ya ki khnang wow ku ki hei yoh i laa.
Da ong u wa lyngba kani ka Achiever of the Month daw ye ki u khana ya ka parom yong ki wei hanla man iwa khian tangwa daw e mynsien i ya kiwi tawon.
Chooh chooh da ong u wa ha u July u man u bnai ya kiwa seiñ kreh heiwa daw em i khana parom, i yaklam wa ki paidbah kamjooh i pathai lyngba ki Social Media heiwa daw em kiwa seiñ kreh na kylleiñ ka Meghalaya.
U Chief Minister da ong u leh wa i seiñ kreh ym mut i du ha i rep i riang, ka Sports, i put i tem tangwa kiwi ki bynta leh kamjooh heiwa da kubur u wa ka PRIME Programme da sdang ya ka wow e yarap ya kiwa seiñ kreh khian khnang wow ye ki u pynyaar yei chakri ha waroh kawi ka jylla.
Ha kani ka sngi sdang da em 50 ngut kiwa seiñ kreh na kylleiñ ka jylla wa chah pynkupburom, kiwa da khana ya ki parom heiwa kammon kaap ki ya u mochynthut wei kammon yoh khih kiwi tawon na ka chnong ka thaw.
Yei naam Achiever of the Month ha kani ka sngi da yoh da u Andy Kupar Lyngdoh uwa man kam u Founder & CEO ka ParadigmatiX Private Limited.
Kani ka ParadigmatiX Private Limited (pX) toh kawa em ha Shillong wei man ko kam ka Creative Agency kawa leh ya ki Graphic Design wei da chna Design ki ya ki Company wa bna naam hapoh ka pyrthai kiwa tip leh kam ki Fortune 500 Companies.
I kreh man i deiwa su cha ki da ka poisa pharæng wei kattæ da em ki 8 ngut kiwa kreh wei ki Company wa pynemkaam yei Design ki toh kiwa na United States, United Kingdom wa Australia wa kynthup leh ya ka Microsoft Corporation wa kiwi boon ki Company Pharmacy.
Discussion about this post