U Montri ka sorkar jylla wa pait ya ka chnat Taxation, u James PK Sangma da ong u wa ka sorkar da lai ko chakhmat wow pynkhreh ya ka Draft yong ka Ordinance neibynta wow pyndam noh ya ka aiñ yakhle kawa tip kam ka Meghalaya Regulation of Gaming Act, 2021.
Da ong u wa ini toh kawa da leh hawa ym pu ye u pynman yei chong dorbar namo ka Assembly, wei da pynrap u wa neibynta wow chna aiñ lane iwon iwon i bynta i daw wow pyndam noh ya ka aiñ kawa da em chwa daw hap wow lai lyngba ka Ordinance.
Da ong chooh chooh wow pyndam noh ya kawon kawon ka aiñ toh kawa kyllaiñ bha bar yow wanrah ya ka aiñ wa thymme lane ka Ordinance.
U James da ong u wa ka sorkar dang bichaar bniah ko katni hajrong ini neibhah chisien wa da pyndam noh ya ka aiñ, ym kwah wow mih biang ki yatai nia ki wow neh lane ki wym sñiawthooh yumut. Na itæ i daw ka sorkar ka pait ko iyi wa ye ko u leh kawa daw man kawa bha wa kawa biang.
Kam wow pynkynmoo wa ha 13 tarik uni u bnai, ka sorkar jylla da chim ko yei rai wow pyndam noh ya ka Meghalaya Regulation of Gaming Act, 2021 hadien wa boon i pynsñiaw na ki paidbah yong ka jylla ya i wym sñiawyahaap ya kani ka aiñ.
