Hadien arsngi wa chah awri chah maham haki dkhot ka liang pyrchah ha Parliament heipor wa mynjur yaka Bill ki warep. U Rajya Sabha Deputy Chairman u Harivansh Singh ynne i step da wanrah cha u yaki MP ka Rajya Sabha kiwa chah Suspend kiwa da chong ha lait ka Parliament kam i dak wow pyrchah yei chah Suspend ki.
U Singh da wanrah u hapoh ka muna ya u Flask, ki khuri waki peris ha pchem ka Parliament wa em ki MP wa chong yow pyrchah yeiwa chah beh ki napoh ka Parliament.
Neiliang u Montri Rangbahdooh ka ri u Narendra Modi da yaroh u ya ini deiwa ong wa u lai e cha ya kitu kiwa beiñ kiwa maham pynyoo ko yei rukom manbru wa khroo mynsien wei wa jem nood.
Kam wow pynkynmoo wa ki 8 ngut ki MP da chah Suspend ki ynnin ka sngi hadien wa da leh ki yaki kaam wow pynkulmar yaka yung dorbar deiwa kynjroi yaki Microphone, u pynjæd yaka Rulebook wei da maham ki leh ya u Deputy Chairman.
Ya i chah Suspend kini ki 8 ngut iwa chi tayaw da pynbna da u Vice President u M Venkaiah Naidu ynnin ka sngi.
