theme-sticky-logo-alt
theme-logo-alt
Advertisement ad1
Advertisement ad1

Lai mihkhmat u Wansalan Dhar ha ka Kokrajhar Literary Festival-2021

Advertisement ad1
Advertisement ad1

Uwi u manpa na Ri-loom Jaiñtia uwa da naam hei thoh sur wei thoh kot, u Wansalan E Dhar ha kani ka kynti da lai chimbynta u ha ka Kokrajhar Literary Festival-2021 namo ka tamasa yong kiwa thoh kot wa kiwa thoh sur-rwai (Poetry) kawa pynman ha ka 14, 15 wa 16 tarik uni u bnai ha Bodofa Cultural Complex, Kokrajhar. 

Ya kani ka tamasa yong kiwa thoh kot wa kiwa thoh sur da pynman da ka Bodoland Territorial Region (BTR) heiwa da wan chimbynta da ki palat 100 ngut kiwa da paw naam ha ka ri wa cha baar ri ha i thoh kot thoh sur-rwai ha ki palat 113 tylli ki jait ktien. 

Advertisement ad1

Ka thong wa da pynman ya kani ka tamasa toh wow wanrah ya i maya wa i chongsuk ha ka imlang sahlang.

Neiliang u CEM ka BTR, u Pramod Boro leh da lai sakhi u ya kani ka tamasa heiwa da e yaroh u ya kiwa pynlai ya ka. 

Ha kani ka tamasa da em ar ngut napoh Meghalaya kiwa da lai chimbynta ha kani ka tamasa wei kini kynthup ki ya u Wansalan E Dhar na Jowai uwa da thoh wei puræ ya ki sur-rwai 1. Bor wa khlan 2. Nonghikai wa maia 3. E lad u synchar i suk- ya kiwa da pynkylla leh chei pharæng wei da e pyrtuid ya ki 1. The power of you. 2. An ode to Teachers. 3. Let there be peace on Earth. 

Sa uwi won uwa da lai mihkhmat ha kani ka tamasa toh u Deibormi Nongpoh na Shillong uwa da puræ ya ki sur-rwai wa da thoh hei Khasi.  

Share this:
Previous

Da sdang ka ‘Me•Gong Festival’ wow pynyoorong ya i rukom im ki jaitbru ka Ri-loom Garo

Next

Lai hi-eh ki Montri Rangbah cha Langpih khlem lai pait ya ki thaw wa ya kajai pood: Kimfa