Hadien wa da yoh pdiang ya ka ujor na ki paidbah hajrong i leh tngit ki Hotel kiwa em ha ka thaaiñ Ladrymbai Petrol Pump, neiliang ka seiñ KSU Ladrymbai Unit hapoh i yahkhmat u General Secretary, u Chanky Shylla ynne da lai pait ki ya ki Hotel wa em ha kani ka thaw.
Kani ka thaw toh kawa dang em hapoh ka chnong Ladrymbai Datsympeiñ heiwa neiliang ka seiñ da lai ko leh wow psiah cha ki thaw chet thaw tu kini ki Hotel heiwa da phah ya ki wow leh khooid ki.
Ka seiñ da maham ko leh ya waroh ki Hotel kiwa em hapoh ka thaaiñ Ladrymbai wow man ki kiwa leh khooid lym kamtæ daw leh deiwa khor pyrchah ya ki, da ong u Chanky Shylla.
Da khana u leh wa kiwa kreh ha kini ki Hotel da ood ki wym yoh ki ya ka tulop ki ha i por wa biang.
Discussion about this post