U montri rangbah ka jylla, u Conrad K Sangma ynne ka sngi da lai pait u ya ka Dorjee Khandu Museum ha Tawang chirup wa u Montri Rangbah ka Arunachal Pradesh, u Pema Khandu wa u Montri khynnah ka sorkar pyrdi wa pait ya ki kaam yalehke Sports, u Kiren Rijiju.
U Conrad da ong u wa u Khandu da chakri u chiboon ya ka jylla Arunachal Pradesh wa ka ri hi waroh kawi.
Kam wow pynkynmoo heini u Khandu da man u kam u Montri Rangbah ka Arunachal Pradesh nadooh ka 9 Naitung (April) 2007, wei ha u 2009 da chah jied biang u kam u MLA khlem em wa leh pyrchah ya oo wei ha ka 25 Naichiphaw 2009 da man biang u kam u Montri Rangbah kani ka jylla.
Ha ka 30 Naitung 2011, ka Helicopter wa chong u Khandu wa soo ngut ki bru kawa mih na Tawang cha Itanagar da wiar ko wei ha ka 4 Naisan da chem ya kani ka Helicopter Eurocopter B8 yong ka Pawan Hans kawa da sdang krehkaam dang du ha u 2010.
Ha ka 5 tarik, u Montri ki kaam pohyung ka ri, u P. Chidambaram, da pyntikna u yei khlaad u Dorjee Khandu.
