U Montri Rangbah ka jylla, u Conrad Sangma ynne da lai pait u yei thaw wa da thmu wow booh ya ka Meghalaya Secretariat wa thymme ha New Shillong, Mawdiangdiang heiwa da pynsñiaw u yei yoo biang ya ini i thaw.
Da ong u wa ini i thaw toh iwa jan bha cha ka sor Shillong iwa daw pynsuk leh ya ki paidbah wei dang pyrkhat kammon wow pynyabi ya ka Shillong cha kani ka thaw deiwa chna ya ki sarok wa thymme wei dang pynkhreh katni kammon wow leh yeni.
Sñiawskem u leh wa ini thaw toh iwa biang wow rah ya ka Secretariat wei katkam iwa da yoo dei khmat man i iwa biang bha ini i thaw wei dang em iwa boon wa hap wow yaklam hapyrdi ki Montri hapoh ka Cabinet yow ye u chim ya ka rai wa khaddooh wei chwa wow chim yei rai toh iwa emkaam wow wan pait dei khmat ya ini i thaw wei yei rai hi daw chim ha kini ki ar tayaw wow wan.
I thaw wa da lai pait toh iwa da dep phiah chawa hapyrdi kiwa boon ki chnat sorkar wei da emkaam kamwa 220 Acre i thaw yow ye u rah ya ka Secretariat wa kiwi de wei ya kiwi ki yung krehkaam ye wow booh ki ha thaaiñ Mawpdang iwa man leh iwi na ki thaw wa da pyrkhat wow booh ya ka Secretariat wei da lai pait leh ynne ka sngi.
