Shillong: U Union Minister of State, Ministry of Fisheries, Animal Husbandry & Dairying u Sanjeev Kumar Balyan ynnin ka sngi da lai hair u cha ka ICAR Research Complex for North Eastern Hill Region, Umiam, wei da ban joor u yei emkaam kani ka thaw u kreh ko wow chna ya ki baam wa toh dor wow baam ki mrad wa psan ki bru ha kani ka thaaiñ. U montri da ong u leh wa emkaam wow pynman ya ki thooh bniah ka wow yarap ya ki warep deiwa pynyohnong ya ki deiwa psan mrad.
U montri da ya yaklam u wa ki heh kamjooh ki Scientist kani ka thaw heiwa da phah u ya ki wow chdooh kti lang wa ki chnat sorkar jyllla heiyatoh waka Piggery wa Milk Mission. U montri da pynsñiaw u leh ye sñiawhun ya kiwa boon ki kaam wa da dep leh kani ka thaw khamtam kiwa yatoh wa i psan mrad.
U Banyal da lai li pait u leh ya ki Animal wa Fishery Farms kani ka Institute wei da yaroh u leh ya ki kaam wa da leh ki Scientist wow wanrah ya ki kor, ki tiar ki tar kiwa katkam wa juk wa katni kiwa ha i jooh i por kiwa suk ki warep u pynemkaam ki wow yarap ya ki wow yoh nong ki.
Ya u montri da synran lang da Dr. C. Shylla, Director, Veterinary and Animal Husbandry Department, Govt. of Meghalaya, Dr. Narendra Prakash, Director, ICAR RC for NEH Region wa kiwi ki sahep ka sorkar jylla.
Discussion about this post