Lai pait u Paul ya ka Kupli Orchid Resort wow pynkhlan ya ki kaam uiñke ha ki 13 chnong

U Montri ka chnat Tourism, u Paul Lyngdoh da lai u cha Kupli Orchid Resort wa em ha chnong Priang, West Jaiñtia Hills kam chibynta wow pait ya kani ka thaw wa pynlai ka sorkar deiwa emlang chirup wa u MLA ka Mowkaiaw, u Nujorki Sungoh wa ka Director ka Tourism Department, ka Brenda Pakynteiñ.

Ha ini i lai, u Paul da chong lieñ u leh ha ka Resort wei da yaklam u leh wa ki paidbah ka thaaiñ.

Neiliang ka Synjuk ki Waheh Chnong na ki 13 chnong da e kti ki leh ya ka dorkhat wow pynkhlan ya ki kaam uiñke suwari ha ka thaaiñ na Chutwakhu cha Saphai wei wow dawa pynbna ya ka thaaiñ kam ka Tourism Zone.

Ka Synjuk da kyntu ko leh wa emkaam u pynkhooid ya ka wah Kupli wei wow yada ya ka mariang kamjooh wow pynkhlan ya ki kaam uiñke ha kani ka wah.

Related posts

Khang ki kamra krehkaam ka Dawki PHC nei wym em Doctor

February 28, 2026

Pyndep ki 45 ngut ki khynroo chynrang yei chah sikai ah sñiooh

February 28, 2026

Ka Kupli Orchid Resort toh i kreh ka sorkar hapoh ka Meghalaya Tourism Department wow pynkhlan ya ki kaam uiñke ha ka thaaiñ.