Lai synraan ki heh ki seiñ saiñ hima ka thaaiñ mihsngi heipor wa thap pyrtuid MP u Modi

Jowai: U montri rangbah jylla ka Meghalaya u Conrad Sangma, u montri rangbah ka Nagaland u Neiphui Rio, u montri ka Assam u Himanta Biswa Sarma wa u President ka Asom Gana Parishad (AGP) ynnin ka sngi ka 26 tarik da synraan ki ya u montri rangbahdooh ka ri u Narendra Modi ha Varanasi heipor wa thap pyrtuid u kam u kyrtong MP wei da em leh u National President ka BJP u Amit Shah.

Ha kini ki bnai wa da dep da mih i pyrchah wa joor ya ka sorkar pyrdi wa yahkhmat daka BJP yei thmu yong ka wow pynman aiñ ya ka Citizenship (Amendment) Bill, 2016. Wei kiwa boon ki seiñ saiñ hima da ya tylli ki wow pyrchah ya ka CAB hadooh wa ka AGP da dam ko wow kyrchaan ya ka BJP ha Assam tangwa hadien wa yap kani ka Bill da kyrchaan biang ko ya ka BJP.

Neiliang u montri rangbah ka jylla Meghalaya uwa man leh kam u President ka National People’s Party (NPP) u Conrad Sangma da pynbna u ya ka rai wa chim ka Cabinet wow pyrchah ya kani ka Bill heiwa da yaroh u kam u ‘Hero ka Northeast’.

Hapyrdi ini waroh ka Bharatiya Janata Party (BJP) haka Election Manifesto da pynbna ko wa daw wanrah biang ko ya ka Citizenship (Amendment) Bill, 2016 lada wan biang ko heibor.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

I em u montri wa pait ya ka muna poisa ka Assam u Himanta Biswa Sarma man iwa sñiawthooh neidaw wa man u leh kam u MLA ka BJP wei ya ini neiliang ka Congress wa em ha i liang pyrchah ha Meghalaya da pynbaad ko wa u Conrad heipor wa yalap Election MP u ha ri-loom Garo da yahbakla u ya ki paidbah deiwa ong wa ka NPP ym embynta ko waka BJP.

Neiliang uwa yahkhmat ka Congress u Zenith Sangma da ong u wa ka BJP ka pynyeiñ kyrtong ko du wow murieh yei yatoh lok ko waka NPP wei u Conrad du hadien wa kut ka yalap Election da lai u cha Varanasi yow pynyoo u yei kyrchaan yong oo ya u Narendra Modi wei ini i leh u da man ko kam ka chet kylla ya ki paidbah.