Lai thooh u CEM ka KHADC yei bhah ka Council na ka sorkar

U Chief Executive Member ka Khasi Hills Autonomous District Council (KHADC), u Shemborlang Rynjah chirup u Executive Member wa pait ya ka muna tangka ka Council, u Seiborlang Warbah ynne da lai thooh ki ya ka bhah ka Council na ka sorkar.

Neiliang u CEM da e kti u ya ka dorkhat ha u Symbood Montri Rangbah uwa pait leh ya ka District Council Affairs, u Prestone Tynsong yow pynsñiaw yei emkaam poisa yong ka Council.

Hawa klam hadien wa yachem wa u Prestone, u CEM da pyntip u wa ka KHADC ym pu yoh ko yei bhah yong ka na ka sorkar, deiwa pynrap wa da yaklam ya ka bhah wa ka KHADC toh u yoh ko, khamtam hadien wa da yoo wa kiwi ki ADC da yoh ki.

Heijooh i por u CEM da khana u leh wa ka Council da paan ko yei kyrchaan poisa heiyatoh wow leh Research næ i thooh bniah yei long i man ka jaitbru.

Related posts

Dawa ka PSM na u DC ka West Jaiñtia Hills wym toh u chim bai luti ha ka Toll Plaza neibynta ki kari ML04

January 12, 2026

Dawa ka HYC wow su ya ka tulop ki Contractual Nurse wa sahteiñ nadooh u Naichiphaw 

January 12, 2026

Hawa kylli, neiliang u CEM da khana u wa u Symbood Montri Rangbah ym em batai u yei daw tangwa da phah ya ka chnat DCA wow bichaar bniah iyi i daw wa khlem da pynlait ya ka poisa.

Kam wow pynkynmoo wa ka Executive Committee yong ka Voice of the People Party (VPP) ha KHADC, ini wa dep da mynjur ko ya ka mang tangka kawa tam da Rs.5,24,640 neiwa hap u pynlut yong u snem mang tangka 2025-2026, wei da ong u wa kani ka mang tangka toh kawa boon yeiwa mih bar yeiwa pynlut.