Ka Voice of the People Party (VPP) ynne da pteiñ biang ko yei yakhih yong ka heiyatoh wow dawa thung kreh biang ya ki Investigating Officer ka Meghalaya Lokayukta kiwa em le ngut kiwa da chah beh kreh haka sorkar.
I yakhih ynne da yahkhmat da u President ka Party, u Ardent M Basaiawmoit ryngkat ki dkhot kiwa da lai na Lachumiere cha Secretariat tangwa da chah khang noh ki ha ki pulit wa em da emlang u SP (City) hajan ka yung krehkaam ka BSNL.
Ha ini i bynta da mih i kyrpaad na ki pulit wym toh u leh yeini neidaw wa da pynkrehkaam yaka Section 144 ka CrPC, katwa u Ardent da ong u wa i pynkrehkaam yaka Section 144 man ko pyrchah yaka hukum ka Supreme Court kawa da pynmih ha u 1967 kawa ong ymtoh u pynkrehkaam yaka Section 144 du yow khang yei yakhih wa em yurim.
Hadien wa yaklam wa u Magistrate da chah ya ki dkhot ka VPP wow lai hadooh wa poi ha pchem ka Additional Secretariat heiwa da pynman yei chong kyllaiñ myngngor.
Kam wow pynkynmoo wa ynne da man ka sngi wa ar wa ka VPP da pynman ko yei yakhih heiwa haka 19 tarik ki dkhot ka VPP da chah ksoh ki.
Discussion about this post