theme-sticky-logo-alt
theme-logo-alt
Advertisement ad1
Advertisement ad1
Advertisement ad1
Advertisement ad1
Advertisement ad1
Advertisement ad1

Lai u Conrad deilang wa ki Montri wow e yarap wei wow syllok wa kiwa ha-yung kiwa khlaad ha Mukroh

U Montri Rangbah ka Meghalaya, u Conrad K. Sangma ynne deilang wa ki Montri sorkar da lai hiar lai syllok wei e mynsien ya kiwa ha-yung kiwa khlaad na iwa jia chah siat ha chnong Mukroh. Da ya emlang leh u Symbood Montri Rangbah, u Prestone Tynsong, u Montri ka PHE, u Renikton Lyngdoh, u Montri ka Urban Affairs, u Snaiwbhalang Dhar wa u Montri ka Social Welfare, u Kyrmen Shylla.

U Montri Rangbah da e kti u leh yaka poisa yarap lyngba ka Cheque kawa mar T. 5 lak cha ki manyung wa dooh noh ya kiwa ha-yung ha-sem. Hawa yaklam wa kiwa ha-yung ha-sem kiwa khlaad, da pynsñiaw u yei sñiawlem neibynta ka jylla kamjooh ka sorkar. Da khana u leh ya kiwa chong chnong wa ka sorkar da pynpep lut ko ya waroh ki tamasa kam ka dak wow pynyoo yei yatylli mynsien wa kiwa chong chnong Mukroh.

U Conrad da yaklam u leh wa ki seiñbhalang ha ini i por heiwa da kular u wow leh ya waroh iwa emkaam heiwa mynstep daw lai cha Delhi yoh yachem waka sorkar pyrdi yow dawa takit yeiwa jia daka NIA lane CBI.  

Da khana u leh ya ki seiñbhalang wa ka sorkar Assam da krehkaam lang ko waka Meghalaya heiyatoh wa ini wa jia wei da dep ki wow Suspend ya u OC, ki bru ka chnat Forest wei da kyrriah leh ya u SP ka West Karbi Anglong cha kawi won ka District.

Chooh chooh da pyntip u wa hei lai Delhi daw yahlang wa ki Montri sorkar yow yachem wa u Montri ki Kaam Pohyung ka sorkar pyrdi u Amit Shah mynstep ha Delhi, wei daw pynbood won sa ka yalang wa u Montri Rangbah ka Assam, u Himanta Biswa Sarma.

Ha kani ka sngi neiliang ka Jaiñtia Students Union da e ko leh ya ka dorkhat ha u Montri Rangbah yow dawa booh Police Outpost ha Mukroh. Heiwa da pyntip u wa ka sorkar da booh ko yaka Outpost ha Barato kawa daw krehkaam noh ym slem de. Tangwa da ong u wa dang emkaam chooh wow yaklam ya ini i dawa wa da wanrah yow booh Outpost ha Mukroh.

Hadien ini u Montri Rangbah deilang wa ki Montri da yaklam ki wa kiwa chong chnong kiwa da pynsñiaw yei eh wa da maad ki da boon snem ha kini ki thaw khappod.

Neiliang u Montri Rangbah da kular u wow rah ya ini waroh hakhmat ka Home Ministry.

Share this:
Previous

Wiar uwi u ksaw ha thaaiñ Mukhla-Myrjai

Next

Daw pait kammon wow pynku yaka poisa yarap cha ki manyung wa chah ktah ha Mukroh: Conrad