Lai ujor ka FKJGP-Khliehriat Circle pyrchah ya u pulit u wym pdiang ya ka FIR wa thoh dei ktien Khasi

Ynne ka sngi, ka seiñ FKJGP-Khliehriat Circle ryngkat i synranlang u Deihok Sumer uwa man u President ka FKJGP-East Jaiñtia Hills wa ki kattu katni kiwa yahkhmat ka seiñ da lai yachem ki wa u SP ka East Jaiñtia Hills yow booddien biang ya kawi ka ujor pyrchah ya uwi u pulit wa man kam u Sub-Inspector hadien wa em ki dkhot ka seiñ kiwa da e FIR ha kini ki kajiak sngi wa dadep ha Ladrymbai Police Outpost heiyatoh wa i chah tooh.

Da pyntip wa hadien wa e ya ka FIR kawa da thoh hei ktien Khasi, uni u heh pulit da phah u wow thoh da ka ktien English wei manda kylli da kiwa ujor ileh kamtæ, neibhah waroh chi kattu da jooh e FIR dei ktien Khasi leh biang hi, da ong u wa nachwa jooh chah hi tangwa katni ka Court da khang ko wei toh u thoh dei ktieh English.

Hei yaklam ka seiñ wa u SP, da klam che u wa ym em aiñ wow thoh FIR da ka ktien English, u SP da ong u ya ka FIR ye wow thoh da ka ktien Khasi, Pnar, Garo, Hindi wei toh i kaamram ki pulit wow pynkylla ka cha ka ktien English.

Related posts

Lyngkdang kylla ka kari wa pynhær bha kawa lai na rood ki khynnah wa lai leh niam

January 13, 2026

Pynbna u Trump da ka dan wa 25% pyrchah ya kiwa khayi wa ka Iran

January 13, 2026

Neiliang u SP da kular u leh wow phah takit yeini wa jia khnang wym jia de neini chakhmat wei manda dep takit, u SP daw phah lang u ya ka Report cha ka seiñ leh kamjooh.