Ynne ka sngi ka Jaiñtia National Council-Sumer Circle hapoh i yahkhmat u Sakila B Chyrmang kam u President da lai ujor ki ha u Executive Engineer ka MePDCL, Khliehriat heiyatoh i wym biang i saam bai bordiñ ha ki chnong wa em ha Sumer Elaka.
Ka seiñ da ong ko wa kiwa chong chnong da phylla ki wow yoo yei rukom saam bordiñ kawa da wan heipor wym biang iwa chisien 2-3 bnai wei ini da booh i hei eh ya ki paidbah.
Neiliang ka seiñ da ong ko wa toh u wan saam bai bordiñ cha kawi pa kawi ka thlu yung kiwa chong chnong hei por wa biang itæ man-u-bnai.
Da yaklam leh heiyatoh won wa ki chrot bordiñ kiwa da baam sarah kiwa da booh hei maa ya ki paidbah ka thaaiñ hi waroh kawi.
Neiliang ki sahep da kular ki wow chimkhia yeini wei wow pynchitom ya kiwa saam bai bordiñ kiwa lai e khlem biang por.
Heijooh i por leh da kular wow phah ya ki Lineman wow pait bha ki dei mait ya ki chrot bordiñ kiwa em ha waroh ki chnong wa haap hapoh ka Elaka wei da kular leh wa lada ym chimkhia u Lineman daw pyndooh yaka tulop u.
Discussion about this post