Jowai: Ka chnong Khliehriat West da dooh bordiñ ko la ar tayaw neidaw wa sih u Transformer wei ini da booh ko ya ki paidbah hei chitom khatam ki khynnah skur kiwa dang pynkhreh ya ki exam waphær waphær nadooh ka exam matric wa kiwi kiwi.
Katæ ka seiñ Jaintia National Council (JNC) hadien wa yoh ko ya ki ujor na ki paaid chong chnong da lai yachem ki wa u Executive Engineer ka Khliehriat Distribution Division wow booh ya ka ujor heiyatoh wa ini i dooh bordiñ ha chnong Khliehriat West la kamwa ar tayaw wow dawa kylliang da uwi u Transformer wa thymme khnang wa ki paidbah u yoh bordiñ ki wei ya kani ka ujor da phah leh cha u DC East Jaiñtia Hills District wa cha u Superintendent Engineer, MeECL Jowai neibynta wow tip ki u leh ya iwa emkaam.
Ka seiñ da dawa joor ko leh na ka yung krehkaam u Executive Engineer, Khliehriat Distribution Division wow pynbiang bordiñ smat katwa ye khnang wow man ko ka myntoi ya ki paidbah khamtam ha kini ki sngi wym ye u leh ya kiwa boon ki kaam khlem i bordiñ.
Ini toh katkam wa pyntip u Allmiki Ryngkhlem Vice President JNC.
Discussion about this post