Lai ujor ka KSU cha ka yung krehkaam u DMHO wa sih palat u sarok ka CHC Namdong

Ka KSU Namdong Area Unit hei yahkhmat u Kitboklang Lamare kam u President wa u Rimiki War kam u Finance Secretary wa ki kattu katni ki dkhot da lai pynsñiaw wei da e leh dei thoh cha ka yung krehkaam u DMHO ka West Jaiñtia Hills ynnin ka sngi hajrong i leh thlah ka sorkar yaka Community Health Center ka Namdong.

Ka seiñ da ong ko wa na ki por cha ki por da lai ko wow pynsñiaw cha kiwa toh u pait tangwa ym em wa ap.

Ha katai ka sngi da yoh ka seiñ wow yachem wa u Additional DM&HO wei da yaklam yei eh ki paidbah heiyatoh wa i sih u sarok wa lai cha kani ka CHC.

Neiliang u Additional DM&HO da pdiang u wa u surok CHC toh uwa da sih wei da kular u wow pynsñiaw cha kiwa haneiñ.