Lai ujor ka MJAC ha u Conrad yei kit pyrchah aiñ ki karkhana pynmih khyndaw-bilat ya u mooyong wa u moochuni

Ka Meghalaya Joint Action Committee (MJAC), kawa kyntup lang yaka Association of Meghalaya Traders and Transporter (AMTT), ka Jaiñtia Hills Truck Owners Association (JHTOA) waka All Jaiñtia Hills Cement and Clinker Association (AJHCCA) ynnin da lai ujor ki cha u Montri Rangbah ka jylla, u Conrad Sangma deiwa ong wa ki wa ki karkhana pynmih khyndaw-bilat wa em ha East Jaiñtia da kit mooyong ki pyrchah yaka aiñ deilang wa u moochuni.

Neiliang u General Secretary ka MJAC, u Enrico D Pasi da ong u wa kamwa 800 tylli ki Truck kit mooyong wa 130 tylli ki Truck wa kit moochuni man-ka-sngi da leh ki yeini pyrchah aiñ kiwa lait u su dan neidaw wym em Weighbridge wa ki Check Gate ha ki thaw psiah cha kini ki karkhana pynmih khyndaw-bilat.

Da ong u leh wa i dor khyndaw-bilat dang toh i Assam hawa nujor waka Khliehriat hanla kini ki karkhana em ki hapoh ka District wei ka sorkar da dooh nong bha ko na ini wa leh kini ki karkhana.

Chooh chooh da ong u wa ki mar pohkhndaw da sai lut napoh East Jaiñtia Hills District wei daw poi i por wym em de iyi iyi wei manda poi itæ i por ki tre karkhana ym bna ki iyi jia yaka chnong ka thaw.

Related posts

Dam noh ka NPP wow kyrchaan ya ka sorkar ka Manipur wa yahkhmat da ka BJP

November 17, 2024

Wa thung ka BJP da ki bru yong hi tæ mih i kynrum kynram ha NEHU: Ronnie

November 15, 2024

Da kyntu ki leh hakhmat u Montri Rangbah wym toh ware u pynsñiawbha wei wow pynkmen ya kini ki karkhana wei toh u chim dan ki neibynta ki mar pohkhyndaw wa pynpoi cha kini ki karkhana deiwa booh ya ki khyrdop khrong dan neibhah kini ki Truck da em da ki spah tylli wa wan ha ka chi sngi.

Da kdaw ki leh yeiwa yarap ka sorkar ya kini ki karkhana lyngba ki Subsidy, kamtæ kattu da toh por u pyrkhat leh neibynta ki paidbah yow wanrah yei roi i paar deiwa booh yaka jylla hakhmat wei wow booh noh ya kini ki karkhana chadien.

Chooh chooh da ong wa lada kheiñ 25MT u mooyong ha chi Truck man-ka-sngi da man 1,186,250 MT chi snem, wei ini da pynyoo wa ka sorkar jylla wa sorkar pyrdi da dooh nong ki hadooh kattæ kattæ na ka dan wa toh u yoh na u mooyong uwa dapoi cha kini ki karkhana wa em ha East Jaiñtia Hills District.

Wei lada 30 MT u moochuni ha ka chi Truck man-ka-sngi iwa mut 8,760,000 MT ha chi snem wei uni leh toh uwa da lai da wan khlem da toh dan.

Ka MJAC da ong ko leh wa ini i dooh nong toh iwa da chongdor wow chna 100 Km u sarok uwa da toh u yoh myntoi ki paidbah.

Ka Committee da pynbaad ko wa ka sorkar da leh thlah ko yeini neibhah lada boon ka dan wa yoh, daw ye u pynhiar dor yei Petrol wa Diesel hapoh ka jylla.