U Montri Rangbahdooh ka ri u Narendra Modi ynne ka sngi da mih u wow lai USA neibynta ki soo sngi itæ nadooh ka 22-25 tarik uni u bnai hadien wa khut sñiawbha u President Joe Biden ka United States of America.
Ha kini ki sngi wa em u Modi ha USA daw yaklam hajrong i yatoh lok ki ar ri wa kiwi de ki kaam. U Modi da ong u wa da yooluti bha u yei yachem wa ka Vice President Kamala Harris yow thooh ki laad yakrehkaam lang hapyrdi ki ar ri khamtam hawa yatoh wa ka Science & Technology.
U Modi daw chimbynta u leh ha ka Quad Leaders’ Summit deilang wa u President Biden, Prime Minister Scott Morrison ka Australia wa u Prime Minister Yoshihide Suga ka Japan.
U Modi daw yachem u leh wa u Prime Minister Morrison ka Australia wa u Prime Minister Suga ka Japan yow yaklam hajrong i ya krehlang ki ri.
Daw pynkut u Modi ya ini i lai America deiwa klam hapoh ka United Nations General Assembly hajrong i eh wa da em hakhmat neidaw ka khlam COVID-19, ki kaam wa hap u leh pyrchah ya ki Terrorist, i kylla ka suiñ bneiñ wa kiwi de ki kaam wa emkaam.
U Modi da ong u wa ini i lai u man ko leh kam chibynta wow pynkhlan yei yatoh lok wa ka USA wei wow pynskem yei ya krehlang wa ka Japan wa Australia.
