Jowai : Ka KSU Iooksi Unit ynne ka sngi 18 tarik da lai yachem ko ya u DHS (MI) Shillong neibynta wow dawa Doctor hapoh PHC Iooksi heiwa da e ko leh ya ka chithi cha oo.
Ha ka chithi da ujor wym em Doctor hapoh ka PHC Iooksi da ki snem kattu wei han lada em ki Doctor wa phah ka sorkar tangwa wan ki teiñ teiñ cha kani ka PHC.
Ka seiñ dei langer jooh lai yachem ko wa ki DM&HO wa cha DHS neibynta i jooh i kaam tangwa ym em u krehkaam i.
Kamtæ ka seiñ da kyntu ko ya u DHS wow chimkhia u yeini wei da dawa ki leh wow pynchitom ya kitu ki Doctor kiwa baam du ka tulop.
Hei yatoh weini neiliang u DHS da ong u wa i daw toh wa duna ki Doctor hapoh ka jylla wei da kular u wow phah Doctor ha katai ka PHC mar em ki Doctor kiwa apply kaam.
Discussion about this post